OLYMPIA-5 மருத்துவ ஆராய்ச்சி ஆய்வு என்பது என்ன?
தற்போது, FL மற்றும் MZLக்கான சாத்தியமான சிகிச்சைகளைத் தயார் செய்து வருகிறோம். OLYMPIA-5 என்பது 3 ஆம் கட்ட மருத்துவ ஆராய்ச்சி ஆய்வாகும், இது நிலையான பராமரிப்புச் சிகிச்சை (SOC): இம்யூனோமோடூலேட்டரி காரணியுடன் வழங்கப்படும் ஒப்பீட்டுச் சிகிச்சையுடன் ஒப்பிடும்போது நிலையான இம்யூனோமோடூலேட்டரி காரணியுடன் இணைந்து வழங்கப்படும் ஆராய்ச்சி ஆய்வு மருந்தின் செயல்திறன், பாதுகாப்பு மற்றும் ஏற்றுக்கொள்ளும் தன்மையை மதிப்பிடுவதை நோக்கமாகக் கொண்டுள்ளது. இந்த ஆய்வு குறிப்பாக புற்றுநோய் சிகிச்சைக்குப் பலன் கிடைக்காமல் இருக்கும் ("எதற்கும் கட்டுப்படாத" என்றும் அழைக்கப்படுகிறது) நபர்களுக்கானது அல்லது நோய் திரும்பிய ("மீண்டும் பாதிப்பு ஏற்பட்ட" என்றும் அழைக்கப்படுகிறது) நபர்களுக்கானது.
இந்தச் சிகிச்சையானது "ஆராய்ச்சி ரீதியானது" என்று அழைக்கப்படுகிறது, ஏனெனில் இது இந்த மருத்துவ ஆய்வுக்கு வெளியே பயன்படுத்த அனுமதிக்கப்படவில்லை.
OLYMPIA-5 ஆய்வில் பங்கேற்பதற்கான தேவைகளை நீங்கள் பூர்த்தி செய்கிறீர்களா என்பதைப் பார்க்க விரும்பினால், கீழே உள்ள தகுதிக்கான முன் தகுதிக்காண் வினாப்பட்டியலை நிரப்பவும்.
-
- ஆராய்ச்சிரீதியான சிகிச்சை: ஆராய்ச்சிரீதியான சிகிச்சையானது இரத்த நாளம் வழியான (IV) உட்செலுத்தம் (உங்கள் கையில் ஊசி) மூலம் அளிக்கப்படும். ஆராய்ச்சிரீதியான சிகிச்சை என்பது உங்கள் நோயெதிர்ப்பு மண்டலத்தின் T-செல்களை செயல்படுத்தி, புற்றுநோய் செல்களை குறிவைத்து கொல்ல உதவுவதன் மூலம் செயல்படும் இரண்டுக்கு குறிப்பான ஆன்டிபாடி ஆகும்.
-
- ஒப்பீட்டுச் சிகிச்சை: ஒப்பீட்டுச் சிகிச்சையானது IV உட்செலுத்துதல் அல்லது தோலடி ஊசி (உங்கள் தோலின் கீழ் ஒரு ஊசி) மூலம் உட்செலுத்தப்படும். ஒப்பீட்டுச் சிகிச்சையானது கீமோதெரபியுடன் இணைந்து B-செல் ஹாட்ஜ்கின் அல்லாத லிம்போமாவுக்கான SOC-இன் பகுதியாகும். இது ஒரு ஓரிணை உயிரி தற்காப்புப் பொருள் (ஆன்டிபாடி) ஆகும். இது "B-லிம்போசைட்" என்று அழைக்கப்படும் ஒரு வகை வெள்ளை இரத்த அணுக்களின் மேற்பரப்பில் ஒட்டிக்கொள்ளும். இவ்வாறு நிகழும்போது, நோயெதிர்ப்பு மண்டலத்தால் செல் அழிக்கப்படுகிறது.
-
- இம்யூனோமோடூலேட்டரி காரணி: இம்யூனோமோடூலேட்டரி காரணி உங்கள் நோயெதிர்ப்பு மண்டலத்தை மாற்றியமைக்கும் மருந்துகளின் குழுவைச் சார்ந்தது, இது சில வகையான புற்றுநோய்களை நிறுத்த பல வழிகளில் செயல்படுகிறது. இது ஒரு காப்ஸ்யூல் ஆகும், இதை நீங்கள் வாய்வழியாக (அதாவது, வாய் மூலம்) எடுத்துக்கொள்ளலாம். நீங்கள் ஒவ்வொரு நாளும் மாத்திரையை எடுத்துள்ளீர்கள் என்பதை உறுதிப்படுத்த நீங்கள் வீட்டில் ஒரு நாட்குறிப்பைப் பூர்த்தி செய்ய வேண்டும்.
நான் பங்கேற்றால் நான் என்னென்ன விஷயங்களை எதிர்பார்க்கலாம்?
நீங்கள் எந்தச் சிகிச்சைக் குழுவில் பங்கேற்கிறார் மற்றும் சிகிச்சைக்கு உங்களுக்குக் கிடைக்கும் பலனைப் பொறுத்து சிகிச்சையின் காலம் வருகைகளின் எண்ணிக்கையுடன் சுமார் 1 வருடம் நீடிக்கும். சிகிச்சையின் முடிவில் சுமார் 90 நாட்கள் வரை ஒவ்வொரு 30 நாட்களுக்கும் 3 வருகைகள் அடங்கும் தொடர்கண்காணிப்பு காலம் இருக்கும். பிறகு, ஒவ்வொரு 12 வாரங்களுக்கும் நீங்கள் தொடர்கண்காணிப்பு வருகைகளைத் தொடர்வீர்கள், இது உங்கள் நிலை மோசமடையும் வரை அல்லது மீண்டும் நிகழும் வரை, நீங்கள் உங்கள் சம்மதத்தைத் திரும்பப் பெறும் வரை, உங்களைத் தொடர்பு கொள்ள முடியாத வரை அல்லது ஆய்வு முடியும் வரை, இவற்றில் எது சீக்கிரமோ அது வரை தொடரும்.
உங்களுக்கு, ஆய்வு மருந்து, ஆய்வு மருத்துவரின் நேரம் அல்லது ஆய்வு தொடர்பான நடைமுறைகள் மற்றும் வழங்கல்களுக்காக எந்த செலவும் இருக்காது. இந்தச் செலவுகளை நிதி ஆதரவாளர் ஏற்றுக்கொள்வார். நீங்கள் ஆய்வில் இல்லாவிட்டாலும், நீங்கள் அல்லது உங்கள் உடல்நலக் காப்பீட்டு நிறுவனம் உங்கள் சிகிச்சைக்கு பரிந்துரைக்கப்படும் உங்கள் மருத்துவ கவனிப்புக்கு பணம் செலுத்த வேண்டும். இந்த ஆய்வின் ஒரு பகுதியாக இல்லாத மருந்துகள், பரிசோதனைகள் மற்றும் பொருட்களுக்கு நீங்கள் பணம் செலுத்த வேண்டியிருக்கும். உங்களுடன் இதைப் பற்றி விவாதிக்க உங்கள் ஆய்வு மருத்துவர் மற்றும் ஆய்வுக் குழு உள்ளது.
How can I take part?Changed
நான் வேறு என்ன தெரிந்து கொள்ள வேண்டும்?
எல்லா மருந்துகளையும் போலவே, ஆராய்ச்சிரீதியான சிகிச்சையை எடுத்துக் கொள்ளும்போதும் ஆபத்துகளுக்கு சாத்தியங்கள் உள்ளன. நீங்கள் தகுதிபெற்று, பங்கேற்பதைத் தேர்வுசெய்தால், சாத்தியமான அபாயங்கள் மற்றும் பக்க விளைவுகளை விளக்கும் ஒரு தகவலளிக்கப்பட்ட ஒப்புதல் படிவம் உங்களுக்கு வழங்கப்படும். அறியப்படாத வழிகளிலும் ஆய்வு மருந்து உங்களைப் பாதிக்கும் சாத்தியம் உள்ளது. உங்கள் உடல்நலமும் பாதுகாப்புமே எங்கள் முதன்மையான முன்னுரிமைகள் மற்றும் உங்கள் பங்கேற்பு முழுவதும் நீங்கள் உன்னிப்பாகக் கண்காணிக்கப்படுவீர்கள்.
இந்த ஆய்வில் பங்கேற்பதன் மூலம் நீங்கள் மருத்துவப் பலனைப் பெறுவீர்கள் என்பதற்கு எந்த உத்தரவாதமும் இல்லை. உங்கள் நிலை மேம்படலாம், அப்படியே இருக்கலாம் அல்லது மோசமடையவும் செய்யலாம். நீங்கள் எந்த காரணத்திற்காகவும் எந்த நேரத்திலும் ஆய்வில் இருந்து விலகலாம்.
உங்களுக்கு அருகிலுள்ள ஓர் ஆய்வுத் தளத்தைக் கண்டறியவும்
OLYMPIA-5 பற்றி மேலும் அறியவும், அது உங்களுக்குச் சரியாக இருக்குமா என்பதை அறியவும், உங்களுக்கு மிகவும் அருகில் உள்ள ஆய்வுத் தளத்தைத் தொடர்பு கொள்ளவும் - அவர்கள் உதவுவதில் மகிழ்ச்சியடைவார்கள். உங்கள் அருகிலுள்ள ஆய்வு தளத்தைக் கண்டறியவும்.
நான் தகுதி பெறுவேனா?
பின்வருபவற்றைப் பூர்த்தி செய்தால் நீங்கள் இந்த ஆய்விற்குத் தகுதியுடையவராக இருக்கலாம்:
- • ≥ 18 வயது அல்லது அதற்கு மேற்பட்ட வயது (அல்லது உங்கள் நாட்டில் சட்டப்பூர்வ ஒப்புதல் வயது) உடையவராக இருக்க வேண்டும்
- • எதற்கும் கட்டுப்படாத அல்லது மீண்டும் பாதிப்பு ஏற்பட்ட FL or MZL இருக்க வேண்டும்
- • ஆய்வு வருகைகளில் கலந்துகொள்ளவும், ஆய்வு தொடர்பான நடைமுறைகளை மேற்கொள்ளவும் நீங்கள் தயாராகவும் இருத்தல் வேண்டும்
இதில் பங்கேற்க வேறு தேவைகளும் உள்ளன. இந்த ஆய்வில் நீங்கள் சேர முடியுமா என்பதைப் பார்க்க முழு மருத்துவப் பரிசோதனை செய்யப்படும். உங்களிடம் வேறு கேள்விகள் இருந்தால், இந்த ஆய்வைப் பற்றி விவாதிக்க உங்கள் மருத்துவரிடம் இந்த இணையதளத்தைப் பகிரவும்.
Tamil (Malaysia) 
English (United States) 
English (Canada) 
Korean 
Chinese (Taiwan) 
Malay 
Thai 
English (Australia) 
English (Israel) 
Spanish (Chile) 
Portuguese 
German (Austria) 
Italian 
Polish 
Spanish (Spain) 
Czech 
French (France) 
French (Belgium) 
Dutch 
English (Belgium) 
English (UK) 
German (Germany) 
Spanish (United States) 
Spanish (Argentina) 
English (Singapore) 
German (Switzerland) 
French (Switzerland) 
Romanian 
Hungarian